موضة الميك اب2019:

موضة المكياج لهذي السنة كانت عكس2019 انتقلت من المكياج الثقيل للخفيف ..

فهذي السنة لاحظت انو اغلب العارضات في الفاشن ويك كانوا مكثرين لهم هايلايت و الفاونديشن كان ديوي يعني يعطي لمعة صحية للوجه و تكون تغطيتو من خفيفة لمتوسطة
 و بالنسبة لالوان الشادوز كانت جدا طبيعية و فاتحة حتى لو كانت شيمر (فيها لمعة) تكون الوانها طبيعية 🌸 اما الحواجب كانت ججدا طبيعية بدون رسم او تعبئة مشطوها بماسكارا جل شفافة ورفعوا الشعر بطريقة عشوائية عشان تبين طبيعية اكثر , و الدارج كان الايلاينر اللي بدون جناح مجرد خط خفيف على خط الرموش العلوية مع تمويه بسيط , بس اكيد الايلاينر المجنح ما زال موجود فبعض اللوكات خصوصا لو تبغي الميك اب يكون فخم و يبرز اكثر .

فالبالتالي ابراز الجمال الطبيعي كان الهدف من موضة الميك اب لهذي السنة .. 

 لانو حتى العيوب الطبيعية في بشراتهم ما حاولوا يخفوها تماما , لو لاحظتو اول مودل فوق كان عندها نمش خفيف على انفها و اتعمدوا انهم يبينوا ,  و احسو برز وجهها اكثر من انو خرب المكياج ..

غير كذا ما استخدمو برايمر مطفي قبل الفاونديشن , استخدموا بدالو البرايمر الكريمي اللي يجي فيه لمعة بسيطة جدا وتبين انها طبيعية انا شخصيا جدا متحمسة اجربوا لانو كثير ميك اب ارتست قالوا انو يعطي الوجه لوك صحي ومنتعش 😍

تلاقوه متوفر عند ماك , سيفورا (بينيفت) ..